Siyasetmedarê Kurd Selahattîn Demîrtaş li Girtîgeha Edîrneyê bi bavê Rojîn Kabaîşê, Nizamettin Kabaîş û mamê wê Ahmet Kabaîş re hevdîtin pêk anî.
Rojîn Kabaîş a 21 salî dema li Zanîngeha Yuzuncu Yilê ya Wanê dixwend di 27ê Îlona 2024an de hate windakirin û cenazeyê wê di 15ê Cotmeha 2024an de li peravê Gola Wanê li devera gundê Mollaqasimê ya navçeya Tûşbayê ya Wanê hatibû dîtin. Ji wê rojê ve ji bo kujerên Rojîn Kabaîş werin dîtin û darizandin bavê wê Nîzametîn Kabaîş û malbatê wê di nava têkoşînekê bêwestan de ye.
Hevserokê Giştî yê HDPê yê berê Selahattîn Demîrtaş ê ji 4ê Mijdara 2016an ve li Girtîgeha Edîrneyê girtî ye, bi bavê Rojîn Kabaîşê, Nizamettin Kabaîş û mamê wê Ahmet Kabaîş re li girtîgehê hevdîtin pêk anî.
Piştî hevdîtinê bavê Rojîn Kabaîş ê Nizamettin Kabaîş diyar kir ku Demîrtaş destnîşan kiriye ku ew bi malbata Kabaîş re ye ji malbatê re gotiye ku dê parezarên wî jî bi doz û malbatê re eleqedar bibin.
Wêne ji hesabê Xê yê Ahmet Kabaîş hatiye girtin.
