Albûma “Werin Dostno -Ji bo bîranîna Sêwasê”, ku di sala 1994an de bi pêşengiya Navenda Çanda Mezopotamyayê (MKM) hat amadekirin, di 33yemîn salvegera Komkujiya Sêwasê de ji aliyê KOM Mûzîkê ve li ser platformên dîjîtal hate weşandin.
KOM Muzîk derbarê albûma “JWerin Dostno-Ji bo bîranîna Sêwasê” ku di sala 1994an de bi pêşengiya Navenda Çanda Mezopotamyayê (MKM) hat amadekirin û niha ji aliyê KOM Mûzîkê ve li ser platformên dîjîtal hate weşandin de daxuyaniyek nivîskî weşand. Di daxuyaniyê de ev tişt hatin parvekirin: “
“Di bîra civakê de, bûyera ku bi navê “Komkujiya Sêwasê” tê naskirin di 2yê Tîrmeha 1993yan de pêk hat. Niha em di 33yemîn salvegera komkujiyê de ne. Ji bo bîranîna wê roja reş, ku tê de 33 rewşenbîr û hunermend di Otêla Madîmakê de hatin kuştin, Navenda Çanda Mezopotamyayê (MKM) di sala 1994an de albûmek taybet amade kir.
Di vê albûmê de 10 hunermend bi Kurmancî, Zazakî û Tirkî stran dibêjin. Berhem bi navê “Werin Dostno Ji Bo Bîranîna Sêwasê” hat weşandin û hemû stranên wê ji bo bîranîna wan kesên ku di komkujiyê de jiyana xwe ji dest dan hatin terxankirin. Ev xebat di sala 1994an de di bin etîketa Mazlum Plakê de hate çapkirin û belavkirin. Di salên paş de jî cihê xwe di arşîva KOM Mûzîkê de girt. Albûma “Ji bo bîranîna Sêwasê”,ku heta niha li platformên dîjîtal nehatibû weşandin, di 33yemîn salvegera Komkujiya Sêwasê de ji aliyê KOM Muzîkê ve bi awayekî dîjîtal bi guhdaran re hate hevgihandin.”
