Hevseroka Giştî ya DBPê Çîgdem Kiliçgun Ûçar û heyeta pêre di çarçoveya xebatên, ‘Em bi gel re aştiyê ava dikin’ serdana gel û karkarên Senayiya Organîzê ya Herêmî (OSB) a Êlihê kirin.
Hevseroka Giştî ya Partiya Herêmên Demokratîk (DBP) Çîgdem Kiliçgun Ûçar û heyeta pêre di çarçoveya xebatên, ‘Em bi gel re aştiyê ava dikin’ serdana gel kirin û piştî wî jî çûn li Senayiya Organîzê ya Herêmî (OSB) kir. Heyete li wir li nava gelek tekistîlan geriyan û guhdarî gazinc û giliyên esnafan û xebatkarê tekistîlên kirin. Her wiha li wir jî gelek kesan daxwaziya meşandina pêvajoyê kirin û xwestin ku şert û mercên aboriyê sererast bibin. Piştî ku serdanên wir bi girseyî çûn tev li çalakiya jinan a li dijî bûyerên ku Navenda Rehabîlîstasyona Taybet a Şîfayê ya Êlihê pêk hatibû kirin.
‘Em dixwazin qala tiştên nû bikin’
Hevseroka Giştî ya DBPê Çîgdem Kiliçgûn Ûçar ku li nava gel û li gelek tekistîlan geriyan anî ziman ku pirsa Kurd yek ji pirsên herî bingehîn ên welat e û wiha axivî: “Ev pirs dikare bi rêyên demokratîk bê çareserkirin. Û bi banga Rêberê Gelê Kurd Abdullah Ocalan ev nêzî du sal in pêvajoyek berdewam dike. Em êdî naxwazin qala êş û hêsiran bikin, em dixwazin qala tiştên nû bikin. Di vê serdema nû de pêdivî bi rêziknameyên qanûnî heye ku paşeroja her kesî misoger bike. Piştî banga 27ê Sibatê gerîlayên PKKê çek şewitandin û xwe fesih kirin û hêza xwe ji Tirkiyeyê vekişandin. Em dixwazin ku li vî welatî mafên qanûnî yên her kesî bên misogerkirin û di serî de girtiyên nexweş, hemû siyasetmedarên ku di girtîgehan de ne bên berdan.”
Piştre karkerên ku karê tekistîlên dikin gilî û gazincên xwe anîn ziman û nîqaşa pêvajoyê hate kirin.
