Rêxistina DEM Partiya Şirnexê serdana Hevserokê DEM Partiya Bajarokê Sêgirkê Faysal Babat ku êriş li dijî mala wî pêk hatibû, kir.
Rêxistina DEM Partî ya Şirnex û navçeyên wê serdana Hevserokê DEM Partiya Bajarokê Sêgirkê Faysal Babat ê ku duh mala wî bi êrişa çekdarî re rû bi rû mabû, kir. Mala Faysal Babat ku li bajarokê Sêgirkê ya bi ser navçeya Qilebana Şirnexê ve duh êrişa çekdarî li dijî mala wî pêk hatibû. Rêveberên DEM Partiyê bi girseyî serdana Faysal Babat kirin.
Di serdanê de Faysal Babat anî ziman ku bi salan e gelek caran êrişî wan hatiye kirin û got ku mala wî bûye armanca êrişê û xwestine xaniyê wan bi guleyan bişewitînin.
Hevserokê DEM Partiya Şirnexê Abdullah Gungen jî bi lêv kir ku heke dewlet bixwaze dikare kesên êriş pêk anîne bibînê û wiha got: “Lê mixabin kê êriş kiriye hê derneketiye holê. Bi salan e li vî bajarokê hevalên me bi zor û zahmetiyan xebatên xwe yên siyasî dimeşînin. Daxwaz û banga me ew e ku kê ev êriş kiribe bên tespîtkirin. Li vir polîtikayên qirêj tên meşandin. Dixwazin hevalên me li vir siyasetê nekin. Lê me berdelên giran dane. Berdila wê çi dibe bila bibe ew ê ev kar û xebat bimeşe.”
