Karsaz Rahmî Koç li Îzmîrê di vekirina nexweşxaneyekê de bi zimanekî zayendperest jinên Kurd hedef girt. Jinan bertek nîşanî Rahmî Koç dan û xwestin ew lêborînê bixwaze.
Serokê Rûmetê yê Koç Holdîngê Rahmî Koç li Balçovaya Îzmîrê di vekirina Nexweşxaneya Amerîkî de heqaret li jinên Kurd kir. Kêliya ku Rahmî Koç henek û heqaret li jinên Kurd kir, Serokwezîrê AKPyî yê berê Bînalî Yildirim jî bi heneka genî dikene.
Piştî ku ev dîmenê Rahmî Koç ê nijadperest li ser medyaya dîjîtal belav bû, gelek kesan nerazîbûn nîşan da û ev yek weke nijadperestiya li hemberî Kurdan şîrove kir. Di nerazîbûnan de ji Rahmî Koç hate xwestin ku divê ji gelê Kurd lêborînê bixwaze.
Meclîsa Jinan a DEM Partiyê jî destnîşan kir ku ev yek nîşan dide desthilat û sermayedar bê çawa li ser dijminatiya li hemberî Kurdan û jinan xwe xwedî dikin û wiha got: “Em ê tu car nehêlin ev di bin navê mîzahê de bê rewakirin.”
Endama heyeta Îmraliyê û parlamentera Wanê Pervîn Bûldan jî wiha got: “Qet fedî û ar tune ye. Rezalet e.”
Parêzer Eren Keskîn jî bi lêv kir ku ev rezalet e.
