Hejmara 268emîn a Rojnameya Xwebûn bi manşeta “Gavên şênber lazim in” derket.
Rojnameyê di vê hejmara xwe de bal kişand ser nakokiyên dewletê yên li hemberî peyama Rêberê PKKê Abdullah Ocalan û polîtîkayên li dijî çareseriyê. Rojnameya Xwebûn di vê hejmarê de li ser polîtîkayên dewletê yên şer, qeyûm, girtin û binçavkirinan rawestiya. Rojnameyê di surmanşetê de cih da kirmanckî û bi sernavê “Dewlete tîtikê dizdan a” bal kişand ser hişmendiya dewletê ya rêveberiya bi qeyûman.
Rojnameyê di bin manşetê de jî bi sernavê “Ambulansan bombe dikin” bal kişand ser êrîşên Dewleta Tirk a li dijî xizmetkarên tenduristiyê û ambulansan da zanîn ku ji 8ê çile hetaniha 5 ambulans kirine hedef. Rojnameyê di rûpela hevpeyvînê de jî cih da nirxandinên Hevseroka MEBYADERê ya Mêrdînê Gurbet Tekîn ên der barê nêzîkatiya dewletê ya li hemberî çareseriyê û sekna Rêberê PKKê Abdullah Ocalan a ji bo çareseriyê. Gurbet Tekîn, bal kişand ser zimanê dewletê yê neyînî û destnîşan kir ku ew ji Rêberê PKKê Abdullah Ocalan bawer dikin ku pirsgirêkê çareser bike.
