Kampanyaya Azadî ji bo Pexşan Ezîzî, diyar kir ku heya niha 413 hezar û 500 kesan ji bo betalkirina cezayê darvekirinê yê Pexşan Ezîzî, name ji serokê dadweriya Îranê re şandine.
Kampanyaya Azadî ji bo Pexşan Ezîzî, der barê xebata îmzeyên a ji bo betalkirina cezayê darvekirinê yên ji bo rojnamevana Kurd Pexşan Ezîzî hatine komkirin de, agahî belav kir. Li gorî kampanyayê, ji bo hilweşandina cezayê darvekirinê yê Pexşan Ezîzî, heya niha 413 hezar û 500 îmze hatine komkirin û îmzevanan ji bo serokê dadweriya Îranê Xulam Mihsîn Muhsînî name şandine. Di nameyan de ji serokê dadwer hatiye xwestin ku cezayê darvekirinê yê Pexşan Ezîzî were hilweşandin û demek ji ya din zûtir Pexşan Ezîzî were berdan.
Hêjayî gotinê ye rojnameger û aktîvîsta Kurd Pexşan Ezîzî di 4ê tebaxa 2023yan de li Tehranê hate binçavkirin. Di 11ê kanûna 2023yan de jî bi îdiaya “Li dijî hikûmeta Îranê xebatên çekdarî kiriye” hate girtin. Dadgeha Şoreşê ya Tehranê jî di 23yê Tîrmeha 2024an de bi heman îdiayê cezayê darvekirinê da. Konseya Darazê ya Bilind a Îranê jî di 8ê çileya 2025an de cezayê darvekirinê erê kir.
