Meşvanên Meşa Dirêj li Parîsê eleqeyek mezin dîtin. Meşvanên Meşa Dirêj li Strasbourgê bang kir û berxwedana Tişrînê silav kirin.
Meşa Dirêj ku di çarçoveya pêngava “Ji Rêber Apo re Azadî, ji Pirsgirêka Kurd re Çareserî” de di 21ê çileyê de li bajarê Lorinet ê Fransayê dest pê kir, 12 roj li pey xwe hişt. Meşê li Parîsê berdewam kir. Çalakvanên Meşa Dirêj ên ku 2 rojin li paytexta Fransayê çalakiyên curbecur li dar dixin, di roja 12an de li Qada Gare de l’Est meşeke bi heybet lidarxistin. Kurdistanî û dostên wan ên li navenda Parîsê û derdora Parîsê eleqeyeke mezin nîşanî meşê dan. Di meşê de dirûşmeya “Bijî Serok Apo” berz kirin û berxwedana Rojava û Tişrînê silav kirin. Meş li Qada Colonel Fabien bi dawî bû. Piştî meşê Hevseroka CDK-Fê Xane Akdogan û Hevberdevkê Dîwana KCDK-Eê Mûrat Ceylan daxuyanî da. Di daxuyaniyan de ji bo azadiya Rêberê PKKê Abdullah Ocalan peyam dan û banga kombûna li dora berxwedana Tişrînê kirin. Axaftvanan ji bo meş û mitînga ku wê 15ê Sibatê li Strasbourgê bê lidarxistin bang kirin.
Çalakvanan diyarkirin ku ew ê di roja 13emîn a meşê de li Drancyê bin û ji bo meş û civîna gel ku wê li Drancyê li dar bixin, bang kirin.
