Di 8ê Gulanê de li dijî Şaredariya Bajarê Mezin a Stenbolê operasyonek pêk hatibû û 33 kes hatibû binçavkirin. Ji wan 12 kes hatin girtin.
Ji aliyê Dozgeriya Komarê ya Stenbolê ve ji bo Şîrketa Dar û Peyzaj ya girêdayî Şaredariya Bajarê Mezin a Stenbolê (ÎBB) lêpirsînek hatibû destpêkirin. Polîsan di 8ê Gulanê de avêt ser gelek malên rêveber û xebatkarên Şaredariya Bajarê Mezin a Stenbolê û Cigirê Sekreterê Giştî Oktay Ozel, Seroka Daîreya Park û Bexçeyan Tugba Olmez jî di nav de 31 kes hatibûn binçavkirin.
Kesên ku hatine binçavkirin bi sedema “bi armanca avakirina rêxistina sûc û binpêkirina îhaleyê, fesadî kirine nav îhaleyê” hatibûn binçavkirin. Duh 7 kesên binçavkirî sewqî Edliyeya Stenbolê hatibûn kirin û her 7 kes jî bi biryara kontola edlî hatibûn berdan.
24 kesên din jî îro sewqî edliyeyê kirin ji wan Alkan Başçiftçi, Ekrem Oflûoglû, Fatîh Yagci ve Yasîn Çagatay Seçkîn bi biryara kontrola edlî hatibûn berdan. 20 kes jî bi daxwaza girtinê sewqî dadgehê kirin. Ji 20 kesan 12 kes hatin girtin 8 kesên din jî bi biryara kontrola edlî hatin berdan.
Di nav kesên ku hatine girtin de xwarziya Dîlek Kaya Îmamoglu, Derya û hevjînê xwe Murat Dagdevîren jî hene.
