Xwişka Gulistan Dokuyê Aygul Dokuyê, da zanîn ku ji bo binçavkirina hevjîna waliyê demê yê Dêrsimê Tuncay Sonel, Handan Sonelê serî li dozgeriyê dane.
Di çarçoveya lêpirsîna windakirina xwendekara Zanîngeha Munzurê Gulistan Dokuyê de, ji 13 binçavkiriya 10 jê hatin girtin. Di çarçoveya lêpirsînê de waliyê demê yê Dêrsimê Tuncay Sonel û serbijîşkê Nexweşxaneya Dewletê ya Dêrsimê yê demê Çagdaş Ozdemîr jî hêj di bin çavan de ne.
Xwişka Gulistan Dokuyê Aygul Doku li pêşiya Edliyeya Dêrsimê axivî û got ku parêzerê malbatê ji bo binçavkirina hevjîna waliyê demê Sonel a bi navê Handal Sonel serî li Serdozgeriya Komarê ya Dêrsimê daye. Aygul Dokuyê, got: “Dayika kujer Mûstafa Turkay Sonel jî niha teqez dizanî ku kurê wê yê tecawizkar keça me kuştiye. Lewma jî parêzerê malbata me bi daxwaza girtina wê serlêdan kir. Em ji dozgeriyê bawer in.”
