Îzmîr – TJA li avahiyê DEM Partiyê ya Îzmîrê bang li her kesê kir ku beşdarî Meşa Gemlîkê ya 19ê Nîsanê bibe û got: “Em ê rêya azadiyê bi hev re bihonin.”
Tevgera Jinên Azad (TJA) li Îzmîrê, derbarê Meşa Gemlîkê ya ku dê di 19ê Nîsanê de bê lidarxistin, li avahiya rêxistina xwe ya Îzmîrê daxuyanî da. Li salona ku daxuyanî lê hat dayîn, pankartên “Niha dem dema jinên ber bi azadiyê ve dimeşin e: Em rêya aştiyê bi hev re bihûnînin” û “Jina birêxistinkirî jiyana azad diafirîne” hatin daliqandin. Di daxuyaniyê de dirûşmên “Jin jiyan azadî” hat berzkirin. Metna çapemeniyê ya bi Tirkî Leyla Kaygisiz xwend.
‘Bêyî azadiya Abdullah Ocalan aştiyeke mayînde ne pêkan e’
Leyla Kaygisiz diyar jin, têkoşîna azadiyê ya bi salan e tê meşandin, anîne asteke berxwedanê ya dîrokî û got: “Li dijî vê pergala zilamsalar û mêtingeh ku bedena jinan û keda wê dike wek mal. Em dizanin ku jiyaneke ku azadiya jinê li navendê digire pêkan e û em jî têkoşîna vê didin.”
‘Bêyî azadiya Abdullah Ocalan aştî mayînde nîn e’
Di berdewama axaftina xwe de Leyla Kaygisiz diyar kir ku têkoşîna azadiyê bi hesreta civaka demokratîk a gelan ji Amarayê heta Îmraliyê dirêj dibe û wiha got: “Daxwaza azadiyê ya ji bo Rêberê Gelan Birêz Abdullah Ocalan ne tenê ji bo kesekî ye; ji bo paşeroja hevpar a gelan, ji bo jiyaneke wekhev û azad pêdiviyek e. Paradîgmaya azadîxwaziya jinan ya ku Birêz Abdullah Ocalan daniye holê, ne tenê rêyeke çareseriyê ye; di heman demê de perspektîfeke ku nîşan dide ka ev rê wê çawa bê meşandin e. Veguhertineke civakî ya ku azadiya jinan esas negire, nikare azadiyeke rastîn biafirîne. Em wek jin dibêjin ku heta azadiya Birêz Abdullah Ocalan neyê dabînkirin, aştiyeke mayînde ne pêkan e.”
‘Azadiya Abdullah Ocalan herfeke jiyanî ye’
Leyla Kaygisiz da zanîn ku avakirina aştiyê, destpêkirina pêvajoya civaka demokratîk û mîsogerkirina jiyana wekhev û azad pêdiviyeke lezgîn e. Leyla Kaygisiz anî ziman ku sererastkirineke demokratîk a nasnameyê, çand û baweriyên hemû gelên li Tirkiyeyê, bi taybetî gelê Kurd tê de têne naskirin, bingeha aştiya rasteqîn e. Leyla Kaygisiz axaftina xwe wiha domand: “Di vê pêvajoya dîrokî ya li Rojhilata Navîn êşên mezin, berxwedan û vejîn tên jiyîn de em dizanin ku bi pêşengiya jinan aştî pêkan e.”
‘Em ê rêya aştî û azadiyê bi hev re bihonin’
Di berfirehiya axaftina xwe de Leyla Kaygisiz da zanji bi hêza xwe li bajarê qedîm ê Îzmîrê ji kevneşopiya jinên Egeyê digire û wiha got: “Avakirina jiyana hevpar bi têkoşîna bi hev re pêkan e. Aştî tenê bi piralîbûnê û vîna jiyana hevpar dikare bê avakirin. Ji ber vê yekê em ji vir bi eşkereyî dibêjin: Heta azadiya fîzîkî ya Birêz Abdullah Ocalan neyê dabînkirin, ne pirsgirêka Kurd dikare bê çareserkirin û ne jî li herêmê aştiyeke mayînde dikare bê avakirin. Wek jin; em bibiryar in ku em riya aştî û azadiyê bi hev re bihûnînin.”
Banga tevlibûnê
Leyla Kaygisiz di dawiya axaftina xwe de banga tevlibûna Meşa Gemlîkê kir û wiha got: “Em ê di 19ê Nîsanê li Gemlîkê bin. Em ji Îzmîrê û ji her çar aliyên Egeyê bang li hemû jinan dikin; ji bo em daxwaza xwe ya azadiyê mezin bikin û aştiyê bi hev re ava bikin, li Gemlîkê bin û banga têkoşîna hevpar bikin. Niha dema jinan e! Niha dema azadiyê ye! Werin em aştî û azadiyê bi hev re bihûnînin.”
Daxuyanî bi berzkirina dirûşman bi dawî bû.
