Tîma Futbolê ya U-19 a Şaredariya Bajarê Mezin a Amedê, di Lîga Pêşkeftina Akademiya Elît a TFFê de bi performansa xwe ya serketî bû şampiyon û xeta temsîlkirina bajêr di Şampiyonaya Tirkiyeyê de bi dest xist.
Serokatiya Daîreya Xizmetên Ciwanan û Werzîşê ya Şaredariya Bajarê Mezin a Amedê, di çarçoveya xebatên xwe yên ji bo zêdekirina jêhatîbûna fîzîkî, zihnî, ruhî û civakî ya ciwanan de, bi Tîma Futbolê ya U-19’an a ku ava kiribû serkeftinek girîng bi dest xist. Ev serkeftina tîma U-19an wekî encameke şênber a veberhênanên li binesaziyê tê dîtin.
Tîma kesk û sor a ku vê sezonê cara yekem di Lîga Pêşkeftina Akademiya Elît a Federasyona Futbolê ya Tirkiyeyê (TFF) de têkoşîn dida, di Koma 9emîn de bû şampiyan û performanseke balkêş nîşan da. Lîstika bi îstîqrar a futbolvanên ciwan, derfeta tevlibûna tûra play-off a Şampiyonaya Tirkiyeyê da wan.
Serkeftina li hemberî Batmanê derî li şampiyonayê vekir
Tîma Şaredariya Bajarê Mezin a Amedê ku Batman Petrolspor ya yek ji tîmên bihêz ên lîgê ye 1 û 0 têk serkeftineke krîtîk bidestxist , derî li tevlibûna şampiyonayê vekir. Ev 3 pûanên ku di vê maçê de hatine wergirtin, tevî lîstika têkoşer û ruhê tîmê ya ku li qadê hatiye nîşandan, ji bo paşerojê hêvî da.
Çav li tûrên play-offê ne
Tîma Şaredariya Mezin a Amedê ku di kategoriya xwe bû yekemîn, mafê tevlibûna qonaxa play-offê bi dest xist. Tê payîn ku bernameya maçê û hûrgiliyên organîzasyonê ya tîma kesk û sor dê di rojên pêş de ji aliyê Koordînatoriya Lîgên Pêşkeftinê ya TFFê ve bê aşkerekirin.
Amadekarî dê berdewam bikin
Tîma Kesk û sor ji bo ku li tûrên play-off a Şampiyonaya Tirkiyeyê ya ku di dîrokên pêş de bê diyarkirin jî performanseke serkeftî nîşan bidin, amadekariyên xwe li gorî bernameya antrenmanê berdewam dikin.
Dê piştgirîya ciwanan berdewam bike
Şaredariya Mezin a Amedê ya ku di qada werzîşê de bi şaxên cuda derfetê dide ciwanan, dê ji bo zêdekirina serkeftinên werzîşvanan, xebat û piştgiriyên xwe berdewam bike.
