Mehsa Sutuda (25) a ku di 29ê adarê de ji aliyê hêzên rejîma Îranê ve hat girtin, winda ye.
Şerê di navbera Îsraîl-Amerîka û Îranê de bi hemû dijwariyên xwe hîn jî didome û ev şer bandoreke mezin li ser jiyana gelên ku li welat dijîn dike. Li gorî raporên hatine belavkirin, Mehsa Sutuda, 25 salî û ji Şîrazê ye di 29ê adarê de ji aliyê hêzên rejîma Îranê ve hat girtin. Li gorî çavkaniyên xwecihî yên nêzî malbata Mehsa Sutuda, hêzên ewlehiyê di saetên êvarê de dest bi lêgerînê kirin. Di dema lêgerînê de, telefonên endamên malbatê jî desteser kirin.
Çavkaniyan diyar kir ku Mehsa di dema operasyonê de hat girtin. Tevahî hewildanên malbatê jî lê tu agahî ji Mehsa ne hatiye girtin, çarenûsa wê nayê zanîn.
Hat ragihandin ku Mehsa Sutuda xizma Pejman Zare ye. Ew jî welatiyeke Behayî ye ku di nîvê meha Adarê de li Şîrazê hatibû girtin û heta niha jî agahiyên zelal li ser rewşa wê nehatine destxistin.
