Serlêdanên Pêşbirka Helbestan a Arjen Arî heta 1ê Nîsanê berdewam dikin. Encamên pêşbirkê dê di 15ê Gulana 2026an de bêne ragihandin.
Pêşbirka Helbestan a Arjen Arî ku îsal cara 13emîn tê lidarxistin, berdewam dike. Serlêdanên pêşbirka ji aliyê malbata Arî û Weşanên Sor ve bi rengekî kevneşop tê lidarxistin dê heta 1ê Nîsanê berdewam bike. Armanca pêşbirkê ew ku qadek ragihandina helbestan bide helbestvanên nû, ziman û wêjeya Kurd bi nirxên gerdûnî re bigihîne hev.
Berhemên nehatine weşandin tên qebûlkirin
Di pêşbirkê de berhemên helbestvanên ku heta niha helbestên wan di cihekê de nehatine weşandin jî qebûl dike. Berhemên bi zaravayê Kurmancî yê Kurdî û bi tîpên Latînî hatine nivîsandin tên qebûlkirin. Beşdar divê berhema xwe ya ku beriya niha xelat wernegirtiye herî dereng heta 1ê Nîsanê pêşkêş bikin.
Xelata Rûmetê tê dayîn
Berhemên ku di pêşbirkê de bikevin dereceyê wê ji aliyê Weşanên Sor ve bi rengê pirtûkê bêne weşandin. Her wiha wê ji bo kesayetek ku tevkariyê li daxwaza wekhevî û têkoşînê ya zimanê Kurd dike jî ‘Xelata Rûmetê’ bê pêşkêşkirin.
Encam di Roja Zimanê Kurdî de tên ragihandin
Jûriya pêşbirkê ji Necla Arî, Berken Bereh, Gulîzer, Nûroj Mûnzûr û Emerîkê Sidîqayê pêk tê. Serlêdan jî wê li ser navnîşana [email protected] bê qebûlkirin. Encamên pêşbirkê dê di 15ê Gulana 2026an, di Cejna Zimanê Kurd de bên ragihandin.
