Rêveberiya Xweser a kantona Cizîrê bi boneya cejna Newrozê û Remezanê efûyek giştî derxist.
Bi boneya Cejna Newrozê û Remezanê Rêveberiya Xweser a kantona Cizîrê efûyek giştî der barê kesên sûc beriya 18/3/2026an kirine derxist.
Li gorî bendên li jêr kesên ku efû wan digire nava xwe wiha ne:
Benda 1ê:
Di rewşên binpêkirin û sûcên sivik de:
a) Cezayê tevahî ji bo binpêkirinan
b) Cezayê tevahî ji bo sûcên sivik
Benda 2yan:
Di sûcên giran de:
a) Cezayê tevahî di rewşa devjêberdana maf kesane yan lihevhatinê yan nebûna dozekê de.
b) Nîv ceza di rewşa dozekê kesane de (anku nebûna devjêberdana mafên kesane).
Benda 3yan:
Li gorî vê bendê kesên sûcên li jêr kirine efû wan nagire nava xwe:
a) Sûcên terorîstî yên ku bûne sedema mirina kesekî.
B) Mehkûmên ku xwe vedişêrin û ji edaletê reviyane, heya ku di nav du salan de ji roja derxistina vê qanûnê xwe radest nekin.
Benda 4an:
Li gorî bendên 1 û 2, şertên jêrîn ên vê qanûnê derbas dibin:
a) Divê kesê mehkûm mîqdar, tezmînat û erkên têkildar li berjewendiya dozger bide yan jî razîne, yan jî divê gilîker dev ji mafê xwe yê şexsî berde.
b) Divê gilîker di dozên kuştinê de dev ji mafê xwe yê şexsî berde.
Ev qanûn ji roja derxistina wê ve dê bikeve meriyetê.
