IDFê nexşeya baregehên hedef girtîn weşand û ragihand ku di çarçoveya êrîşên xwe yên dawî de li paytexta Îranê Tahranê rêze êrîş li ser navendên fermandariyê yên Basij û hêzên ewlehiyê yên navxweyî pêk anîne.
Hêzên Parastina Esmanî yên Îsraîlê (IDF) têkildarî baregehên hedef girtîn ên li Tehranê neşxeyek weşand û derbarê êrişên xwe de daxuyaniyek da. Li gorî daxuyaniya IDFê, navendên ku hedef hatine girtin ji aliyê rejîma Îranê ve ji bo kontrolkirina welêt û rêvebirina rewşa ewlehiyê hatine bikaranîn.
‘Me li navendên fermandariyê xist’
IDF di daxuyaniya xwe de got ku balafirên şer ên hêzên esmanî êrîş li dijî bi dehan navendên fermandariyê yên Basij û hêzên ewlehiyê yên navxweyî pêk anîne. IDFê ragihand ku ev hêz di bin banê Fermandariya Mihafizên Şoreşa Îslamî (IRGC) de kar dikin û di rêxistina kontrola navxweyî ya rejîmê de rolek girîng dilîzin.
‘Cihên moşek û pergala leşkerî hate tunekirin’
Di heman demê de IDFê ragihand ku di van operasyonan de cihên moşekan, pergala parastina esmanî û hin saziyên leşkerî yên din jî hedef girtine. Di daxuyaniyê de hate destnîşan kirin ku di encama bombebarana van baregehan de bandora rejîmê ya di rêveberina şer de di astek jor de şikandine.
