Welatiyê bi navê Mahîr Can Ada ku li Cizîrê bi lêdanê hatibû binçavkirin bi hinceta “li hemberî polîsan rabûye” hate girtin.
Li navçeya Cizîrê ya Şirnexê roja 12ê Tîrmehê welatiyê bi navê Mahîr Can Ada li noqteya lêgerînê ya têketina Cizîrê de bi hinceta, “Dê tev li rêxistinê bibe” hatibû binçavkirin. Hate zanîn ku di dema binçavkirinê de gefên kuştinê li Mahîr Can Ada hatine xwarin û polîsan li wî daye.
Piştî îfadeya li Midûriyeta Polîsan a Şirnexê û dozgeriyê, Mahîr Can Ada bi hinceta, “Li ber karmendên li ser peywirê rabûye” sewqî dadgehê hat kirin. Dadgeha Cezayên Silhê ya Şirnexê derbarê Mahîr Can Ada de biryara girtinê da.
Piştî biryarê girtinê, Mahîr Can Ada birin Girtîgeha Tîpa Tyê ya Şirnexê.
