* Rojnameger Îrfan Aktan derbarê serlêdana xwe ya ji bo çûyîna Îmraliyê cem Rêberê Gelê Kurd Abdullah Ocalan û wiha got: “Lê tiştekî wiha sosret heye, Îmrali saetekê ji me dûr e lê em nikarin biçin. Min du caran ji bo biçim Îmraliyê serlêdan kir. Lê serlêdanên min bêbersiv man. Dewlet daxwaz dike îmaja ku bi derewan ava kiriye berdewam bike û îmaja Ocalan di bin kontrola wan de be. Ji bo wê nahêlin rojnameger biçin Îmraliyê.”
* Kargehên serdema nû ya ANKA-DERê dest pê kir. Şagirtên tev li kargehên ANKA-DERê bûn diyar kirin ku ew li dijî polîtikayên bişaftinê ji bo pêşxistina Kurdî tev li kargehan bûne û bang li welatiyan kir ku Kurdî hîn bibin, bi Kurdî biaxivin, bifikirin, bixwînin û binivisînin.
* Di zimanê Kurdî de peyvên diyardeyên hewayê ba, baran, bahoz, bager, berf hwd. hemû bi tîpa ‘b’yê dest pê dikin. Zimanê Kurdî zimaneke ji malbata Hind-Ewropî ye û koka xwe ji zimanên proto-Îranî ango Aryenî digire. Di pêvajoya dîrokî ya avabûna zimanê Kurdî de, dengên “w/v” yên nerm ku berê di zimanê Proto-Hînd û Ewropî de diyardeyên hewayê bi van dengan dest bê dikirin, gihiştiye qonaxeke hişk û veguheriye dengê ‘b’yê.
* Şaredariya Rêya Armûşê ji bo balê bikişîne ser nexweşiyên jinan perwerdehiyek li dar xist. Di perwerdehiyê de hat destnîşankirin ku teşxîsek zû jiyanê rizgar dike.
* Rêxistina DEM Partiyê ya Wanê dê 3yemîn Kongreya xwe ya Asayî li Eywana Dawetê ya Altin Palasê li dar bixe. (13:00)
