Leşkerên Tirk, gundiyên ku dixwazin li ser çemê Xabûrê li Erkan Sak ê ketibû avê bigerin asteng dikin.
Li gundikê Xabûrê yê gundê Herdîşê yê navçeya Qilebanê yê Şirnexê welatiyê bi navê Erkan Sak (28) di 9ê Tîrmehê de dema masî digirtin ketibû avê de û ji wê rojê heya niha nehatiye dîtin. Her çiqas welatî û tîmên lêgerîna binavî yên girêdayî Şaredariya Cizîrê li ser sînorê Bakur û başûrê Kurdistanê di çemê Xabûrê de lêgerîna xwe berdewam bikin jî xizmên Erkan Sak ên li gundê Nizor ê navçeya Zaxo ya Başûr xwestin li ser çemê Xabûrê yê ku dikeve aliyê Başûr lêgerînê pêk bînin.
Leşkeran destûra 10 kesan daye
Welatiyên ku ji gundê Nîzorê ku salên 1990î hatiye valakirin dema xwestin biçin gund û li ser çemê Xabûrê li Erkan Sak bigerin rastî astengiya leşkerên Tirk ên li herêmê hatin. Gundiyên ku bi rêya telefonê me xwe gihand wan, dan zanîn ku leşkeran tenê destûra 10 kesan daye û ji wan re gotiye ew destûra hemû gundiyan nadin.
