Dayîkêka ke mîyanê nobedaranê Awbendê Tişrînî de ca gêna, dîyar kerd ke lazim o tena Awbendê Tişrînî nê, heme Sûrîye azad bibo ke her kes bieşko agêro erdê xo ser.
8ê kanûnî de çeteyê ke girêdayeyê dewleta tirk ê, hêrişê Awbendê Tişrînî kerd. Vera tehlukeya rijnayîşê Awbendê Tişrînî ke awe û elektrîkî resneno bi mîlyonan kesanê Vakur û Rojhelatê Sûrîyeyî, çalakîyêk ameye destpêkerdene. 8ê çeleyî de seba pawitişê erd, awe û enerjîyê xo şaran verê xo da awbendî. Hêrîşanê çeteyanê dewleta tirke û çeteyanê de ke girêdayeyê aye yê, 50 kesî riyê hêrişanê înan ra Awbendê Tişrînî ser o cuya xo vîndî kerde. La reyna zî xoverdayîşê şarê Awbendê Tişrînî de bi qerardarî dewam keno.
‘Nameyê awbendî bîyo Awbendê Şehîdan’
Nobete bi heme şaranê herême bi dor ameye girewtene. Bi ruhê Şerê Şarî yê Şorişgerî şar bi ruhêk şaranê herême awbendê xo kerd. Awbendê Tişrînî de zaf serpêhatî, xoverdayîşî bi qehremanî ameyî ciwîyayene. Şar û şervanê xo mil da yewbînan û awbendî de şehîd kewtî. Coka zî şarî nameyê awbendî kerd Awbendê Şehîdan. Nobedarê ke herêma Cizîre ra yê, pawitişê awbendî dewir kerd şaranê ke herêma Firatî ra ameyê. Şarê ke Reqa, Tebqa û Dêrazore ra ameyê awbend, bi coş û eleqeyêka zaf girde nobeta pawitişê awbendî dewir girewte.
‘Wa heme Sûrîye azad bo ke ma agêrê erdê xo ser’
Dayîkêka ke herêma Firatî ra seba pawitişê awbendî ameya, dîyar kerd ke lazim o rizgarîya Sûrîyeyî bi pêroyî bo, tena rizgarîya Awbendê Tişrînî nê û wina va: “Wa Awbendê Tişrînî û pêroyê şaranê Sûrîyeyî azad bo. Ma pêro destê xo bidê yewbînan û têkoşînê xo berz bikê. Wa Sûrîye rizgar ba ke ma destê xo bidê yewbînan û agêrê Efrîn, Girê Sipî û Serêkanîye.”
Xovderdayîşê Awbendê Şehîdan bi heme coş, eleqe û ruhê şorişgerî, bi kilam, govend û slogananê azadîye dewam keno.
