Wendekarî Kobanî de seba pawitişê heqê perwerdeyî yê bi ziwanê dayîke vejîyayî meydanan û bi eşkerayîyêke perwerdeyê bi ziwanê kurdkî waşt.
Şaristanê Kobanî de bi seyan wendekarî Meydanê Şehîd Egîdî de ameyê têhet û bi eşkerayîyêke bale ante muhimîya perwerdeyî û pawitişê ziwanê kurdkî ser.
Eşkerayîye hetê wendekara bi nameyê Hêlîn Omer Hisêne ra ameye wendiş. Wendekaran eşkerayîya xo de nê waştişî ardî ziwan: “Wa heqê perwerdeyî yê bi ziwanê kurdkî bêro naskerdiş û pawitiş û tu ziwan ziwanêko bîn ser o ferz nêbêro kerdiş.”
Wendekaran îfade kerd ke heqê heme şaranê Sûrîye esto ke perwerdeyê xo bi ziwanê dayîke garantî bikerê.
Peynî de wendekaran wina vat: “Ma vera ziwanêk ney, vera ferzkerdişî yê. Ma vera şaranê bînan ney, ma heqê xo wazenê. Ziwanê kurdkî nasnameya ma, tarîxê ma û estbîyayîşê ma yo.”
