Hêzê Îsraîlî bi tankan kewtî dewanê rojawanê Dera û başûrê Quneytra bombarduman kerd.
Çimeyanê mehelîyan da zanayîş ke ewro (yewşeme) 3 tankê hêzanê Îsraîlî Berê Ebû El Xîsarî ra vîyartî û kewtî Wadî El Reqadê rojawanê Dera.
Eynî çimeyan vat ke yew nê tankan erdê ramitişî yê Wadî bi çekanê giranan gulebaran kerdo. Sewbîna bombeyê roştîye teqnayê. La derheqê zeraran de tu agahî nêameya girewtiş.
Sewbîna vizêr şewe (şeme) hêzanê Îsraîlî bi çekanê giranan erdê ramitişî yê dewa El Esbehî ke başûrê Quneytra de ya, bombarduman kerd.
Goreyê Çimdarîya Heqanê Merdiman a Sûrîye (SOHR), hêzanê Îsraîlî destpêkê serra 2026î ra nat 118 rey herrê Sûrîye kerdo hedef. Êrişî 13 cayanê sey depoyanê çekan û cebxaneyan, merkezan û erebeyan kewtê û tayê înan xirabe kerdê.











