Çimdarîya Heqanê Merdiman a Sûrîye (SOHR) da zanayîş ke destpêkê aşma teşrîna peyêne ra nat mintiqayanê cîya-cîyayan ê Sûrîye de sebebê kêmîya emnîyetî ra pêro pîya 50 kesan cuya xo vîndî kerda ke 43 înan ra sîvîl ê.
Goreyê daneyanê Çimdarîya Heqanê Merdiman a Sûrîye (SOHR), destpêkê aşma teşrîna peyêne ra nat mintiqayanê cîya-cîyayan ê Sûrîye de sebebê kêmîya emnîyetî ra 50 kesan cuya xo vîndî kerda. Mîyanê kesanê ke cuya xo vîndî kerda de 43 sîvîlî, înan mîyan de 2 cinî û 14 domanî, sewbîna 7 kesê nesîvîlî est ê. Na hûmare seviyeya tehlukeya cuya rojane ya sîvîlan mojneno.
SOHR’î dîyar kerd ke na hûmara pîl ê kiştişan, netîceyê hedefgirewtişo raste-rast, guleyê bêserûberî, teqayîşê mayînan û mendeyanê şerî ra bîyo.
SOHR’î dîyar kerd ke êrişê ke hetê hucreyanê çeteyanê DAÎŞ’î ra yenê destpêkerdiş, sebebê venganeyîya emnîyetî ya ke dewam kena û bêqanûnîye ra, yew tehdîdanê tewr muhîman ê ser cuya şarî ra yê.
Sewbîna mayîn û mendeyê şerî seba ramitoxan, domanan û kesanê ke agêrenê cayanê xo tehdîdêko pîl ê.











