Şaristanokê Saydnaya ke keweno vakurê Şamî, komîteyanê dêranê Rûm Ortodoks, Suryanî-Ortodoks û Melkîtî bi eşkerayîyêka hempar dîyar kerd ke rîyê destbendkerdişanê bêbingeyênan ê ciwananê xiristîyanan û xirabbîyayîşê rewşa ewleyî, pêro şayîyê xo yê roşananê dînîyan ê emserî betal kerdî.
Şaristanokê tarîxî yê Saydnaya ke kewena vakurê Şamî, komîteyanê dêranê Rûm Ortodoks, Suryanî-Ortodoks û Melkîtî bi eşkerayîyêka hempare da zanayene ke înan pêro şayîyê roşananê dînîyan ê emserî betal kerdî. No qerar sey reaksîyonêk vera destbendkerdişanê bêbingeyênan ê ciwananê xiristîyanan, xirabbîyayîşê halê ewleyî û muameleyê xirabî yê serê sînoran ameyê girewtene.
Eşkerayîya hempare de ame vatene ke heta ciwanê înan serbest veranêdîyê tu şayîyêka roşanî do nêra kerdiş.
Goreyê eşkerayî, roşanê namdarî yê sey Roşanê Vûrnayîşê Mesîhî, Roşanê Hewanayîşê Meryeme, Roşanê Xaçî û Roşanê Hagîa Sophîa emser nêyenê pîrozkerdiş. Dêran dîyar kerd ke no helwêst protestoyêko komelkî û heqdar o.
Dêranê herême sewbîna bal ant destbendkerdişanê bêbingeyênan, vindarnayîşê seatan ê Cehdeyê Yabûsî û zêdebîyayîşê tehdîdan û kampanyayanê nefretî ê serê medya dîjîtale ser o.
Xeylê ciwanê Saydnaya bêyî tu bingehêko qanûnî û bêyî pawitişê hêqanê dadwerî ameyî destbendkerdene û hema zî zindanan de yê.
Peynîya eşkerayî de dêranê Saydnaya waştişê Sûrîyeyêka adîl û heqpawitoxe kerd û wina vat: “Saydnaya wazeno nasnameyê xo yo pîroz û aştîwaz bipawo û sewbîna heqanê xo yê destûrî bi rayanê aştîyane do bîyaro ca.”
