Goreyê Wezaretê Weşîye yê Xeza mîyanê 24 saetan de 1ê ci gede, 3 kesê bînî zî vêşanî ra merdî. Pêwa hûmara kesanê ke vêşanî ra merdî resaye, 428.
Hêrişê Îsraîlî 7ê teşrîna verêne ya 2023î ra heta nika hemverê Şerîdê Xeza bêmabên dewam kenê. Xeza de ke ablûqayêka girane est a, merdimî vêşanî ra mirenê.
Şerîdê Xeza de ke rîyê hêrişanê Îsraîl û ambargoyî ra xela yena ciwîyayîş, mîyanê 24 saetanê peyênan de 1ê ci gede, 3 filîstinijî bînî vêşanî ra merdî. Wezaretê Weşîye yê Filîstînî yê Xeza ke bi eşkerayîyêke nuştekî derheqê hûmara kesanê ke rîyê vêşanî û kêm xidayî ra dinyaya xo bedelnaya, agahî pare kerd.
Eşkerayî de ame dîyarkerdiş ke pêwa vînîbîyayê peyên ê Şerîdê Xeza de 7ê teşrîna verêne ya 2023î ra heta nika hûmara kesanê ke vêşanî ra dinyaya xo bedelnaya 146ê ci ra gede, resaye 428.
Şerîdê Xeza de ke binê hêrişê Îsraîl û ambargo de yo hetkarîyê yenê qedexekerdene, vêşanî vila bîya, semedê çinbîyayîşî, awe, derman, malzemeyê tibî û pakitî, felaketê vera merdimîye yenê ciwîyayîş.
