Xeza de rîyê varanê zafî ra hezaz qewimîya. Encamê hezazî de 5 fîlîstînijî ke 3 înan ra gedeyî bîyî, ganê xo ra bîyî û 70 hezarî ra zêde konî binê awe de mendî.
Şerîdê Xeza de varanê zafan konê fîlîstînijanê ke cayê xo ra ameyî vetene, binê awe de verdayî. Şaristanê Deyr el-Belahî de rîyê varanan ra herre û qum û herre konan ser o rişaye. Serebûdî de 5 kesî ke 3 înan ra gedeyî bîyî, ganê xo ra bîyî. Ofîsê Medya yê hukmatê Xeza da zanayene ke 70 hezarî ra zêde konî binê awe de mendî û ekîbanê Pawitişê Sîvîlî rê 1 hezar û 500î ra zêde vengdayîşê ardimî ameyî kerdene.
Herême de ke hêrişanê Îsraîlî de beşo gird ê binawanî rijîyayo, rîyê kêmîya teçhîzat û sotemenî ra xebatê xelasnayîşî bi zehmetî yenê ramitene.










