Îstanbul – Walîtîya Îstanbulî dîyar kerd ke çarçewaya tedbîranê varanî de mektebî meşte zî do girewte bimanê. Merkezê Koordînasyonê Afetan (AKOM) vatbî ke meşte zî Îstanbul de do varanêko zaf bivaro.
Îstanbul de vizêr ra nat varan bêvindertiş dewam keno. Varanê zafî qezayanê Îstanbulî ra zafînan de bî sebebê laseran. Rayîrî xerepîyayî û keye, cayê karan û zaf cayî mendî binê awe de. Yewê înan gede, 2 kesî cuya xo ra bîyî û zaf kesî zî birîndar bîyî.
Walîtîya Îstanbulî sebebê varanê zafî ra ewro dersî betal kerdbî. Walîtîye da zanayene ke çarçewaya tedbîran de meşte zî mektebî do girewte bimanê.
AKOM’î zî vatbî ke meşte zî Îstanbul de do varanêko zaf bivaro.
