Rêxistinê Îklîmî ê Dinya (WWA) dîyar kerd ke germo zêde ke tesîr serê Ewropa keno, sebebê ey vurîyayîşê îklîmî yo. Rêxistine, da zanayîş ke dereceyê germî bi no hawa 50 serrî verê cû zî hema hema nêameyo vînayene.
Rêxistinê Îklîmî ê Dinya (WWA), raporêk derheqê germo zêde ke Ewropa ser o tesîr kerdo, vila kerd û raporî de eşkera kerd ke no germ netîceyê vurîyayîşê îklîmî yo.
Goreyê raporî, germo ke nika yeno ciwîyayîş, şertê îklîmî ê 50 serrî verê cû de zî hema hema nêameyo vînayene.
WWA’yî dîyar kerd ke her çend hewayo germ o sahrayî ra semedê sîstemê tezyîqê berzî tesîr serê Ewropa kerdo zî, vurîyayîşê îklîmî hîna zêde kerdo.
Goreyê pisporan, hedîseyê germê zêdeyî çiqas ke şino vêşî benê. Pisporî şuxulnayîşê gazanê serayî ê şewatê fosîlî sey sebebo sereke nişan danê û vengdayîşê çalakîyanê lezabezî vera krîzê îklîmî kerdê
