UNICEF’î eşkera kerd ke Xeza de riyê şerî ra rojane 28 gedeyî cuya xo vîndî kenê.
Rêxistina Gedeyan a Neteweyanê Yewbîyayeyan (UNICEF) ewro bi eşkerayîyêk dîyar kerd ke Xeza de gedeyî riyê bombabaran, vêşanî û kêmaneyîya xizmetanê heyatî yê serekeyan cuya xo vîndî kenê.
Şer rojane 28 gedeyan kişeno
Goreyê daneyanê UNICEF’î 22 aşmanê peyênan de Xeza de zafêrê 18 hezar gedeyan cuya xo vîndî kerda. No zî yeno a mana ke Xeza de her roje 28 gedeyî cuya xo vîndî kenê.
UNICEF’î da zanayene no çî bobelatêka merdimî mojneno û vengdayîşê; “Gedeyanê Xeza rê werd, awe, derman û pawitiş lazim o. Labelê heme çî ra ver înan rê adirbest lazim a, bi lez wa adirbest bêro îlankerdene.” kerd.
Reyna goreyê Neteweyanê Yewbîyayeyan (NY) gulana 2025î ra Xeza de zafêrê hezar û 500 kesan cayanê vilakerdişê hetkarîyan yan zî rayîranê hetkarîya merdimî ser o demo ke waşto xo biresnê werdî, ameyê kiştene. Ame dîyarkerdene ke nê mergî herêmanê hetkarî yê binê kontrolê leşkeranê Îsraîlî de ameyê kerdene.
