Dimayê peymana mabênê HSD û hukmatê demkî yê Şamî do çarçewaya caardişê heqê sîyasî de do temsîlkarê kurdî nameyê herêma Hesekê ser o şêrê Meclîsê Sûrîye.
Munaqeşeyê peymana mabênê Hêzanê Sûrîyeya Demokratîke (HSD) û hukmatê demkî yê Şamî ser o dewam kenê. Bi peymane înkarê se serran ê vera şarê kurdî Sûrîye de qedîya. Nika demê caardişê detayanê peymane yo. Nê deteyan ra zî yew zî Şam temsîlîyetê sîyasî yê kurdan o.
Temsîlkarê sîyasî do şêrê Meclîsê Sûrîye
Goreyê agahîyanê çimeyanê ke mîyanê prosesî de ca girewto xeylê detayê babete est ê. Nînan ra yew zî Şam de temsîlîyetê sîyasî yê kurdan o. Çimeyan ard vîr ke hukmatê demkî yê Şamî weçînitişêk kerdbi, no weçînitiş herêmane kurdan de nêbibi. Heta weçînitişî do temsîlkarîya kurdanbi rêbazêko newe bêra caardene.
Do kotaya Serekomarîya Sûrîye şêrê meclîs
Çimeyan îfade kerd ke weçînitişan de kotaya serekkomarî est a û do na kota ra temsîlkarê Hesekê şêrê Meclîsê Sûrîye. Heta viraştişê destûrê bingeyîn o newe û weçînitişî do temsîlîyeto sîyasî bi nê hewayî bêro çareserkerdene.
