Dêrazor, Heleb û Cerablûsê de riyê teqîyayîşê bermahîyanê şerî ra 4 kesî cuya xo vîndî kerd. SOHR da zanayene ke destpêkê serre ra 49 kesî riyê bermahîyanê şerî ra cuya xo vîndî kerda.
Dewa Eyaş ê rojawanî Dêrazorê de 2 heb gedeyan wexto ke bombeyêka destan reyde kay kerdêne bomba destê înan de teqîyaya û her di gedeyî merdê.
Dewa Ebû Teltel ê rojhelatê bajarî Helebî de zî riyê teqîyayîşê moşekekî yê bermahîyanê şerî ra di heb welatîyan cuya xo vîndî kerd.
Dewa Muhsenlî yê Cerablusê ke hetî grûbanê cergan ra ameyo işxalkerdene, welatîyêk encamê teqîyayîşê mayînêk ra cuya xo vîndî kerd.
Goreyê xeberanî ke resayê Merkezê Muşhadeyê Heqê Merdiman (SOHR) destpêkê emserrî ra riyê teqîyayîşê bermahîyanê şerî ra 12 gedeyî û 2 cinîyî bi temamî 49 kesan cuya xo vîndî kerda. 35 înan gedeyî 67 kesî birîndar bîyê.
