Serekwezîrê Almanya Olaf Scholz vat ke ey nê bendeya ke Washington peynîya rayberîya Serekê Weçîniteyî ya Amerîka Trump hetkarîya seba Ukrayna bivinderna.
goreyê xebera Reutersî Serekwezîrê Almanya Olaf Scholz preskonferansêk de dîyar kerd weçînayişî ra nika Trump reyde di rayan qise kerdo û va ke mabênê her di hetan de dîyalogêko hera yo dîplomatîk est o.
Scholz wina va: “Na ser, hetkarîya seba Ukrayna zî mîyan de ma eşkenê hêvî bikê ke hembarîya baş a Ewropa û Amerîka ameyox de hîna serkewte biba.
Rûsya sibata 2022î de dest bi îşxalê Ukrayna kerd û Washington û hembendayê ci yê Ewropa verba Moskowî hetkarî dayê Kîeve.
Trump dîyar keno ke gama ey dest bi kar biko do peynîya Şerê Rûsya û Ukrayna bîyaro.
