Verfeka Wezaretê Karanê Teberî ya Rûsya, Marîya Zaharova, derheqê ambargoyanê DYA’yî yê vera Îranî de qisey kerd û vat ke ê do vera ambargoyan, Îranî reyde mucadeleyêko hempar bikerê.
Verfeka Wezaretê Karanê Teberî ya Rûsya, Marîya Zaharova, kombîyayîşê çapemenîye ya hewtane de, derheqê rojevê de erjnayîşî kerdê. Marîya Zaharova, vat ke ê ambargoyê yewhetî, bêqanûnî û zordayîşî yê ke vera şertanê Neteweyanê Yewbîyayeyan (NY) ê bi hawayêko kategorîk red kenê û dîyar kenê ke nê caardişî huqûqê mîyanneteweyî îxlal kenê.
‘Mucadeleyêko Hempar’
Marîya Zaharova, bale ante amancê ambargoyan ser o û dîyar kerd ke ‘ambargoyî amancî xo ra kewtê dûrî.’ Marîya Zaharova vat: “Ma do vera nê bêqanûnîyan, lebatanê xo koordîne bikerê. Ma do hemkaranê xo yê ke sey ma fikirîyenê reyden vera nê hesabgirewtişî û cezakerdişê, warê mîyanneteweyî de mucadeleyêko hempar bikerê.”
