Hêrîşê hewayî yê Rusya yê ke verba paytextê Ukrayna Kîevî û dormeyê ey de yenê kerdene roja 6’îne de zî dewam kerd. Ame eşkerakerdene ku êrîşan de 4 kesan weşîya xo kerd vindî û 14 kesî ke yew ci ra doman o birîndar bîyî.
Cengê mabênê Rusya û Ukrayna de bi êrîşanê hewayî yên veraver dewam keno. Artêşa Rusya, seatanê şewî de bi fuze û tayareyanê bêmerdiman (İHA) Kiev û dormeyê ayê kerdî hedef. Beşê gird ê Ukrayna de alarmê êrîşê hewayî ame dayene. Gorayê eşkerakerdena îdareyê şaristanê Kievî, êrîşan de 3 kesan giyanê xo kerde vindî, 5 kesî zî birîndar bîyî.
Herêma Kievî Boryspil de zî seba ke fuze û İHA’yî kewtî bînayêke û cayê karî, kesêkî cuya xo kerd vindî, 9 kesî ku yew ra doman o birîndar bîyî.
