Çarçewaya operasyonî yê vera Şaredarîya Qezaya Eyupsultanî de, Serekê Şaredarîye zî mîyan de, 28 kesî ameyî destbendkerdiş.
Pêla operasyonanê destbendkerdiş û girewtiş ê vera şaredaranê CHP’yî û Partîya Newîye dewam kenê. Serdozgerîya Komare ya Anqara vera Şaredarîya Qezaya Eyupsultanî ya Îstanbulî tehqîqatêk da destpêkerdiş. Çarçewaya tehqîqatî de polîsan keye û awanîya şaredarîye ser o basqin kerd. Awanîya xizmetî ya şaredarîye de cigêrayîş ame kerdiş. Operasyonê sereştişî de Serekê Şaredarîye Mithat Bulent Ozmen zî mîyan de, 28 kesî ameyî destbendkerdiş.
Çarçewaya tehqîqatî de gumankerdena sucê “endamtîya rêxistina”, “bertîlgirewtiş”, “bertîldayîş” û “gendelîya îhaleyî de” ameyî destbendkerdiş.
