Operasyonê 8 şaristanan ke merkezê ey Amed o, ameyo dest pêkerdene de 10 kesî bi sucdarîyê “medyaya dîjîtalî ser o tehdîtkerdena keyeyê Rojîn Kabaîşe” û “tehdîtkerdena keyeyê ke gedeyê xo vîndîkerdê” ameyê destbendkerdene. Înan ra 2 kesî ameyê girewtene.
Polîsan 8 şaristanan de ke merkezê ey Amed o de operasyon da destpêkerdene û 10 kesî destbend kerdê. Ame dîyarkerdene ke ê kesî bi sucdarîyê zordarîya sîberî, tehdîtkerdiş û şantajî ameyê destbendkerdene. Eşkera bi ke ê kesan keyeyê Rojîn Kabaîşe, Hîranûr Nîlgun Aygar û Kivanç Umanî zî hedef girewto.
Bi nameyê “C47” û “C99” xo rêxistin kerdê
Operasyonî de ame eşkerakerdene ke kesê ke ameyê destbendkerdene, platformê dîjîtalî ser o bi kodê “C47” û “C99”, panelanê cipersayîşê ê bêqanûnî de grûbê girewteyî awan kerdê û nê grûban ser o xebatê zordarîya sîberî, tacîz, tehdît û şantajê kerdê. Bi hûmaranê telefonanê beyaxkî û têkîlîyanê panelanê ê bêqanûnan, keyeyî tehdît û şantaj kerdê.
Operasyono hemwext ê 8 şaristanan
Derheqê kesê ke ameyê destbendkerdene de, bi sucdarîyê “tehdîtkerdiş”, “bi hawayeko bêqanûn destkewtena doneyanê kesan” û “bi hîleyê dizdîkerdena belgeyanê derheqê ewleyîya dewlete de” tehqîqat ame dest pêkerdene. Operasyonê hemwext ê 8 şaristanan ke merkezê ey Amed o de, 10 kesî ameyê destbendkerdene. Înan ra 2 kesî ke badê karanê emnîyetî, sewqê edlîye bîbî, ameyê girewtene.
