Amed-Cipersayîşê Gulîstan Doku de 10 gumanbarî ameyê destbendkerdene, û ame eşkerakerdene ke çarçewaye cipersayîşî de delîlê neweyî ameyê destkewtene.
Wezîrê Edaletî Akın Gurlekî eşkera kerd ke cipersayîşo ke derheqê Gulîstan Doku ya ke Dêrsim de ameya vîndîkerdene de yena rayra berdene, operasyonê pêlê 5. ame viraştene û 10 gumanbarî ameyê destbendkerdene.
Akın Gurlekî eşkera kerd ke cipersayîş de, bê qeydê PTS û komunîkasyonî yê neweyî, derheqê hesabê Instagramî yê Gulîstan Doku û cigêrayîşanê binê awe de kirarî gumanbarî yê balkeşî ameyê tespîtkerdene.
Ame eşkerakerdene ke qeydê defterê awbazî yê ke makamanê edlî ra ameyê nimitene ra dîyar bî ke eşyayê şexsî yê Gulîstan Doku, seba ke îhtîmalê întîharî bihêz bikerê, bi zanayene, dima ra binê awe de ameyê cakerdene.
