Wezîrê Edaletî Akin Gurlekî eşkera kerd ke çarçewaya “cipersayîşê behîsî” de 19 kaykerê futbolî ameyê destbendkerdiş.
Cipersayîş derheqê behîsê neqanûnî de dewam kenê. Wezîrê Edaletî Akin Gurlekî hesabê xo yê X’î ser o eşkera kerd ke ê cipersayîşanê vera “behîsê neqanûnî, tedaya mîyanê sporî de, şîkeyê behîsî û meaşê ke sucî ra ameyê girewtiş” domnenê. Akin Gurlekî dîyar kerd ke na çarçewa de koodîneyîya Serdozgerîya Komare ya Stenbolî de cipersayîşêko newe ameyo destpêkerdiş û xebatê înan ê na babete de dewam kenê. Ame vatene ke çarçewaya cipersayîşî de ke ameyo destpêkerdiş, 19 kaykerê futbolî ameyê destbendkerdiş.
