Wezaretê Weşîye yê Sûdanî dîyar kerd ke hûmara qurbananê bombebaranê bazarê Tungwangî ya Sûdanî resaye 188 kesî.
Wezaretê Weşîye girêdayeyê Meclîsê Serekîye ya fermandarê Hêzanê Piştîdayîşê Lezî yê Sûdanî Mihemed Hemdan Deqloyî yo. Wezaretî eşkerayîyêka nuştekî daye.
Eşkerayîye de ame vatiş ke bazarê Tungwangî ya taxa Dumayayî ameye bombebarankerdiş. Na taxe rojawanê şaristanê Nyalayî yê Sûdanî de ya. Goreyê eşkerayîye bombebaran de 188 kesî kişîyayî û 356 kesî birîndar bîyî.
Wezaretî dîyar kerd ke hûmara kiştî û birîndaran goreyê raporanê sazgehanê weşîye û tîmanê weşîye yê ke meydan de xebitîyenê, daye.
Wezaretî îfade kerd ke hûmara birîndaran zaf a. Birînê tayê birîndaran giran ê. Nêweşxaneyanê şaristanî de derman û gonî zaf kêm ê.
Roja dişeme teyareyêka bêmerdime bazarê Tungwangî ya taxa Dumayayî ya şaristanê Nyalayî bombebaran kerdbî.
