Şaristanê El-Ubeyd ê Sûdanî de ke binê dorpêçî de yo, cinî roj hêrişê dronan ê çimeyê awe ser o ver, şewe zî bi rîskê tecawizî reyde rî bi rî manenê. Pêroyê welatî de, vera şîdetî hûmara cinîyan ê ke hewcedarîya înan piştîdayîşî est a, resaya 12.7 mîlyonî.
Şaristanê El-Ubeyd o ke paytextê wîlayetê Kordofanî ya Vakur ê Sudanî de, şer û lejî ver krîzê awe vejîyo orte û na rewşe cinîyan mîyanê tehlukeyê merg û tecawizî de verdena.
Goreyê Neteweyanê Yewbîyayeyan (UN Women), çimeyê awe yê şaristanî mîyanê rojî de benê hedefê hêrişanê dronan. Nê semedî ra xeylê cinî seba bidestvistişê awe, pawiteyê tarîbîyayîşê manenê; la cinî, saetanê şewe, wexto ke şinê awe bîyarê, rîskê tecawizî reyde rî bi rî manenê.
Şaristan 18 aşmî yo ke binê dorpêçî de yo
El-Ubeydî de mabenê artêşa Sûdan û Hêzanê Piştîdayîşê Lezabez (RSF) de şer û lej giran bîyo, şar nêzdî 18 aşmî yo ke binê şert û mercanê dorpêçî de ciwîyeno. Şaristanê ke resnayîşê awe, xida, sotemenî û xizmetê weşîye bi hawayêko cîdî kêm bîyî, bêmaben raştê hêrişanê dronan yeno. Sera 70ê nufusê şaristanî ke 500 hezar kes tede cîwîyeno, cinî û gedeyen ra yeno.
12.7 mîlyon cinîyan rê piştîdayîş lazim a
Ame eşkerakerdiş ke pêroyê Sûdanî de mîyanê serra 2026î de hûmara cinîyan ke seba pawitişê vera tedaya camêrdan û hewcedarîya înan piştîdayîşê est a, resaya 12.7 mîlyonî. Na hûmare hemverê wextê edestpêkê şerî ra nêzdîyê 4 qatî zêde bîya. Ame dîyarkerdene ke birnayîşê fonan ver, xizmetê seba cinîyan zî kêm bîyî.
