Sabrî Okî pare kerd ke PKK’î tarîxî rê xoverdayîşo 52 serrî verdayo û vat: ‘’Erkê ma yê pêroyînan o ke verê gama ke Rayver Apoyî wazeno bierzo de bi hişmendî û xoverdayîşî ma bikewê prosesê neweyî. Xo û Rayver Apoyî ra bawer bê.’’
Endamê Konseya Rayverdişî ya KCK’yî Sabrî Okî Kongreya 12ine ya PKK’yî de wina qisey kerd:
‘’Ganî ma nêkewê verê feshkerdişê PKK’î. Rayver Apo bi ney şay o. Rayver Apo bi xo, bi prosesî bawer o û vano ‘no îradeyê min o.’ PKK wayîrê tarîxê 52 serrî yo. Nê erj ê. PKK yew ruh, exlaq û cuye yo û Rayver Apo yo. Ma tim vanê ke ma Apogîr ê. Rayver Apoyî ameyox dî. Hêzo ke sey PKK’î têkoşîn kerd çin o. Nika Rayver Apo wazeno berê dewrê neweyî abikero û Komelê Demokratîkî û Yewîya Demokratîke înşa bikero. Ganî ma nê ruhî fam bikerê û ci rê bibê cewab.”
Sabrî Ok wina dewam kerd: “Mefhumê Komelê Demokratîkî aîdê Rayver Apoyî yo. No mefhum newe yo. Ganî ma sîstemê fikirîyayîşî yê Rayver Apoyî bîyarê ca. Ma eşkenê binê wayîrê înîsîyatîfî. Eke rixmê hendê xîretanê ma zî dewleta tirke şer de israr bikera ma zî do şer de israr bikerê. Rayver Apoyî tim vat ke ‘Yew mîsalo bîn ê îşxalê sey ê Kurdistanî çin o.’ Metodê çareserîye yê sey ê PKK’î zî çin o. Dewleta Tirke dewletêka winayên a ke apey şora nêbeno, aver şora nêbeno. Erk û mesuldarîyê ma yê pêroyînan o ke verê raştîya Rayver Apoyî de, verê gama ke Rayver Apo wazeno bierzo de bi hişmendî û xoverdayîşî ma bikewê prosesê neweyî. Xo rê û Rayver Apoyî rê bawer bikerê. Ma mîyanê yew şerî de yê. Nêzanîyeno ke do se bibo. Ganî ma refleks, cu û xîretê xo goreyê ney bikerê.’’
