Wêzîrê Karanê Teberî yê Rûsya Sergey Lavrov bi hemmeslekê xo yê Umanî reyde bi telefonî qisey kerd û seba ke pêvînayîşê derheqê nukleerî dewam bikerê ,vengdayîş kerd.
Derheqê pêvînayîşê bi telefonî Ajansê TASS yê Rûsyayî agahî daye û ame vatene ke Wezîrê Karanê Teberî yê Rûsya Sergey Lavrov û Wezîrê Karanê Teberî yê Umanî Bedr bin Hamed el Busaidî bi telefon pêvînayîş kerd û pêvînayîş de derheqê pêvînayîşanê Amerîka û Îranî yê nukleerî ser o qisey kerd.
Ajans eşkerayî de dîyar keno ke her di hetî pêvînayîşî de ke rewşa Îran û pêvînayîşê mabênê temsîlkaranê Amerîka û Îranî de mabênkarîya Umanî paytextê ey Maskatî de ame kerdene, dayîşûgriewtişî ameyê kerdene. Bi taybetî zî derheqê muzakereyan de badê pêvînayîşê rî bi rî ke temsîlkarê Umanî ser o ameyê kerdene dayîşûgirewtişî ameyê kerdene.
Eşkerayî de yeno vatene ke Rûsya û Uman hetan ra wazenê ke pêvînayîşî çarçewayê rîskê şerî ke est ê, orte ra bêrê wedaritene. Asayîşê herême bigîrê garantî û na babete de muzakereyî dewam bikerê.
Eşkerayîya ajansî de yeno vatene ke Wezîrê karanê Teberî yê Rûsya Lavrov, seba keda Umanî ya averşîyayîşê pêvînayîşî de sipasîya ci kerd.
