Goreyê eşkerayîya dewletê Îranî bi îdiaya ‘vera rejîmî muharebe’ û ‘kiştişê wezîfedarê ewleyîye’ girewteyo sîyasî Beluc Elyas Zeîn AI-Dînî darde kerd.
Dewletê Îranî ya ke sey dewleta-rejîmê dardekerdene zî yena pênasekerdiş, seba bêvengkerdişê komelî û azadîwazan, seba nerazîbîyayîşanê vera îktîdarê dardekerdene sey metodêke tersî û sere ronayenî xebetnenê. Hema vaje her roje kesê ke destê rejîmî de girewteyê, yenê dardekerdene. Tewr peyên girewteyo sîyasî yê Hepîsxaneyê Zahedanî yê Îranî de Elyas Zeîn AI-Dînî yo Belucî bi hawayêko nimite ame dardekerdene.
Goreyê agahîyanê ke ameyê vilakerdene, bi îdiaya ‘vera rejîmî muharebe’ û ‘kiştişê wezîfedarê ewleyîye’ derheqê girewteyo sîyasî Elyas Zeîn AI-Dînî yo Belucî de qerarê dardekerdene amebî dayene. Bê xebera keyeyê ey, Elyas Zeîn AI-Dînî yo Belucî hetê rejîmî ra ame dardekerdene.
