Turan Uysal o ke Hepîsxaneyê Boluyî de girewte bî û veradayîşê ey serrêke hetê Heyetê Îdareyî û Çimdarîye ra amebî astengkerdene, badê 31 serran ame veradayene. Turan Uysal o şaristanê xo Mûş de bi hawayêko girseyî ame pêşwazîkerdene, Uysalî, vengdayîşê awankerdişê aştîyêka birûmete kerd.
Turan Uysal o ke qezaya Gimgimî ya Mûşî de ameyo dinya, serra 1995î de amebî girewtene. Turan Uysal Mehkemeya Ewleyî ya Dewlete (DGM) ya Xarpêtî de ame muhakemekerdene û dima ra hepisxaneyanê Dêrsim, Elbistan û Mûşî de mend. Turan Uysal, tewr peynî de Hepîsxaneyê Boluyî de ameyene girewtene û înfazê ey serrêke hetê Heyetê Îdare û Çimdarîye (ÎGK) ra amebî astengkerdene, badê 31 seran ame veradayene. Turan Uysal Mûş de hetê keyeyê xo û Temsîlkarê Komeleya Hetkarî û Paştîdayene bi Keyeyanê Girewte û Hukumwerdoxan (TUHAY-DER) ra bi girseyî ame pêşwazîkerdene.
Turan Uysal pêşwazî de qisey kerd û bale ante serê bedêlanê ke şarê kurdî daye û dîyar kerd ke ganî cuyêka birûmete pîya bêro awankerdene û wina vat: “Ez wazena ke pêkewtiş biqedîyo û aştîyêka birûmete virazîyo. Xeylê hevalê ma yê girewteyî hema zî hepîsxaneyan de yê û bedêlanê zaf giranan danê hêvîya ma azadîya heme hevalan a.”
