Girewteyo sîyasî Şahram Sadeghi ame îdamkerdene. Mal û milkê Sadeghi zî dest dayo ser.
Rejîmê Îranî polîtîkayana dardekerdişî domneno. Şahram Sadeghi bi maneya tewrê çalakîyanê aşma çele bîbî, Kerec de amebî girewtene. Mehkemaya Şorişî ya Kerecî bi maneya ‘Hetkarî bi rejîmê sîyonîst, DYA’yî û grûbanê neyaran ra’ cezaya ‘mergî’ û ‘dest dayo serê mal û milkê ey’ birnaya. Avûkatan îtîrazê Mehkemaya Berze ya Îranî kerd.
Badê ke Mehkemaya Berze ya Îranî qerar tesdîq kerd, no şodir de Şahram Sadeghi ame îdamkerdene.
Goreyê agahîyanê ajansê xeberan ê Mizanî, mal û milkê Sadeghi dest dayo ser. Xebera ke derheqê cayêko Şahram Sadeghi tede ameyo îdamkerdene, agahî nêameyê parekerdiş.
