Dewanê derûdorê Kobanî de hêrişê grûbanê çeteyan dewam kenê. Encamê cewabdayîşê hêzanê YPG û YPJ’yî de 10 erebe, 2 tank, panzerêk û erebeyêka ke çekê doçka ser o barkerde bi, ameyê îmhakerdene.
Goreyê agahîyanê ajansê ANHA’yî grûbanê çete rixmê adirbestî zî şewa 25ê çeleyê 2026î ra hêrişê dewanê derûdorê Kobanî kenê. Ame dîyarkerdene ke şaristanokê Çelebî û dewa Xerab Îşkî de grûbanê çeteyan 6 tank, xeylê erebeyanê zirxî û hûmarêka vêşî ya çeteyanê xo reyde hêriş kerd. Şervananê HSD, YPG û YPJ’yî çarçewaya pawitişê rewa de cewab da û şerêko giran vejîya.
Ame vatene ke encamê pirodayîşan de dewa Xerab Îşkî û derûdorê fabrîkaya çîmentoyî ya Çelebî de 7 erebe, 2 tankî, panzer û erebeyêka doçka ameyê îmhakerdene. Ame dîyarkerdene ke tank û erebeyê hêrişkaran zî ameyê derbkerdene û çeteyan xo apey anto. Goreyê agahîyan xeylê merde û birîndarê çeteyan est ê.
Sewbîna pirodayîşan de dewa Zêrikî de zî 3 erebeyê çeteyan ameyê îmhakerdene. Ame dîyarkerdene ke dewa Qasimîye û derûdorê fabrîkaya çîmentoyî ya Çelebî de şer dewam keno.
