Endama Heyetê Îmrali Pervîn Buldane Wan de qisey kerd, vat: “Ganî ma pêro wayîrê prosesî bivejîyê. No wezîfeyê ma pêrun o. Seba ke prosesê entegrasyonê demokratîkî ser bikewo, ma sey cinîyan do paştî bidê prosesî.”
Têgêrayîşê Cinîyan ê Azadan (TJA) bi wesîleya 8ê Adare Roja Cinîyan ê Dinya Wan de bi şîarê “Ma bi xoverdayîşî benê azad, komelê demokratîkî mûnenê” şayîye organîze kerde.
Cinîyê ke bi kincanê xo tradîsyonelan tewrê şayîye bîyî bi slogana “Şoreşa jinê şoreşa civakê ye”, “Dîroka jinê, diroka berxwedanê ye” û “Jin, jiyan, azadî” qîrayî.
Qiseykerdişê bi nameyê Komela Cinîyan ê Rosa de 8ê Adare şayîye ra zafer sey roja têkoşînî ame pênaskerdene û xoverdayîşê cinîyan ê Rojawna û Rojhelatê Kurdîstanî ame selamkerdene.
Endama Heyetê Îmrali Pervîn Buldan zî herinda şerî de vengdayîşê haştîye û dîyalogî kerd û vat: “Ganî ma pêro wayîrê prosesî bivejîyê. No wezîfeyê ma pêrune yo. Seba ke prosesê entegrasyonê demokratîkî ser bikewo, ma sey cinîyan do paştî bidê prosesî.”
Aktîvîte de mesajê 8ê Adare yê Rayberê Şarê Kurd Abdullah Ocalanî ame wendene û programî bi deyîranê Koma Sorjiyanî dewam kerd.
