Endama Heyetê Îmraliyî Pervîn Buşdan dimayê kombîyayîşê Devlet Bahçelî reyde dîyar kerd ke proses vîyarto merheleya dîyine û vat: “Na merhele de zemînêko qanûnî û huqûqî lazim o. Ganî qanûnê aştî bibo.”
Endamê Heyetê Îmralîyî yê Partîya Têduştî û Demokrasî ya Şaran (DEM Partî) Pervîn Buldan, Mîthat Sancar û Faîk Ozgur Erol Serekê Pêroyî yê MHP’yî Devlet Bahçelî reyde ameyê têhet. Kombîyayîş çapemenî rê girewte ame kerdene.
Kombîyayîşî ra pey Pervîn Buldan û Bahçelî eşkerayî daye.
Buldan: Na merhela seba qanûnan muhîm a
Pervîn Buldan eşkerayî de wina qisey kerd: “Derheqê pêvînayîşê 2ê kanûne yê Îmraliyî û hedîseyanê ey ra pey, ma birêz Bahçelî agahder kerd. Ma merheleyanê prosesî ser o qisey kerd. Pêvînayîşêko muhîm û biqîmet bi. Goreyê ma ganî merheleya newa ya prosesî zemînêko newe ser o bêro erjnayene. Ma eşkenê vajê ke ma vîyartê merheleya dîyine. Na merhela de zî zemînêko qanûnî û huqûqî lazim o. Ma wazenê ney bi taybetî vajê, na merhela de ganîş qanûnê aştî est ba. Xebatê partîyanê sîyasî û komîsyonî do ney ra pey muhîm bê. Ma zî fikrê xo birêz Bahçelî reyde pare kerdê. Ma pawitişê xo yê derheqê qanûnan de ey reyde pare kerdê.”
‘Ez îmzaya xo erzenê binê heme vatişanê Pervîn xanime’
Bahçelîyî zî vat: “Pervîn xanime her babete bi zelalî îfade kerd. Ez îmzaya xo erzena binê heme vatişanê aye.”
