Serekê Pêroyî yê MHP’yî Devlet Bahçelîyî dîyar kerd ke dewreyê neweyî yê qanûnvirastişî de xebatê komîsyonan û tatbîqkerdişê şertanê Qanûnê Çarçewe rojeva înan a tewr muhîm a: “Viraştişê qanûnanê lazimîyan gamê tewr muhîmî yê verê ma yê.”
Devlet Bahçelîyî kombîyayîşê grûba partîya xo ya Meclîsî de qisey kerd û vat ke verê înan de firsendêko tarîxî est o: “Cayê teror û çekan de sîyaset û demokrasî verê ma de yê. Ma prosesêk de yê ke tede wayûbirayîye xurt bena. Dewreyê neweyî yê qanûnvirastişî de hetêk ra xurtkerdişê bingeyê huqûqî yê prosesî, hetêk ra zî xurtkerdişê demokrasîye verê ma de yo. Xebatê komîsyonan, tatbîqkerdişê şertanê qanûnî û viraştişê qanûnanê lazimîyan gamê tewr muhîmî yê verê ma yê.”
“Ganî vera dizdîye tehqîqatêko bitesîr dest pêbikero”
Bahçelîyî bale ante munaqeşeyanê fonan û Serekkomarîye ser o: “Ganî Tirkîya dizdîyan reyde tena nêba verdayene; fikrî çi bibê wa bibê, ganî tehqîqatêko bitesîr dest pêbikero. Coka dewreyê neweyî yê qanûnvirastişî de, gamanê demokratîkan de, ganî huqûqêk bêro awankerdene ke vernîya dizdîye bigîro.”
“Namzedê ma yê Serekkomarîye reyna Tayyîp Erdogan o”
Bahçelîyî vat ke eke Meclîs qerarê weçînayîşî bido û Tayyîp Erdogan reyna bêro weçînayene, no seba Tirkîya do bixeyr bo: “Sey MHP’yî namzedê ma yê Serekkomarîye reyna Tayyîp Erdogan o. Ganî Meclîs de hûmara tewr zêde destê Îtîfaqê Serekkomarîye de bo. Coka amancê ma no yo ke reyanê xo zêde bikerê û bibê partîya Tirkîya ya verêne. Formulê ma no yo: Îdare de Tayyîp Erdogan, qanûnan de MHP, Tirkîya de Îtîfaqê Serekkomarîye û dinya de Tirkîya.”
