Şaredarê Şaristanê Girdî yê Îzmîrî Cemîl Tûgay o ke dima betalkerdena teqeze ra aşma Hezîrane de CHP ra îstifa kerdbî, bi şeklêko resmî derbasê AKPî bî. Tayyîp Erdoganî rozetê AKPî Cemil Tugayî ra kerd.
Serekkomar û Serekê Pêroyî yê AKPî Recep Tayyîp Erdoganî Anqara de parlamenteranê partîya xo de kombîyayişê akerdena serra qanûnronayene viraşte. Erdoganî qiseykerdena xo de bale ante serê Îzmîrî û vat: “Ewro Îzmîr zaf bi coş o. Ez Cemîl Tûgay û kesê ke ewro terba ma bîyê re vana, şima xêr ameyê keyeyê AKPyî.”
Erdoganî dima qiseykerdena xo de vengê Serekê Şaredarîya Girde ya Îzmîrî Cemîl Tugay kerd û o zî sî serê sehneye hetê Erdoganî.
Tayyîp Erdoganî rozetê partîya xo Cemîl Tugayî re girêda û nê şekilî Tugay bi formêko resmî tewlê AKPî bî.
